حبيـــــــــــــــتك. ..لشاعر الحب والغزل ....ريــاض الركابي

[center]حبيتك ...لشاعر الحب والغزل ....ريــاض الركابي

--------------------------------------------------------------------------------

هذه القصيدة اهديه الى من احببت

شجاني او من جديد انوب حبيّت

جنت عاقل ، واكيد اوياك جنيّت

تبت توبه نصوحه امن العشك دوم

او على فيض المشاعر حرس خليّت

إقفلت كلبي قفل وبليل

عجيبه اشلون كلي الكلبي طبيّت

للعشرين جن ارجعت وياك

او جن كبلك ولا فد يوم حبيّت

على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت

تمنيتك تجي ، ابأول اللجمات

واشكد احلمت بيك او تمنيت

لو تدري فرحتي ابجيتك هاي

او لو تدري اشجبت وياك من جيت

جبت بسمه لشفافي العطشن اسنين

والف جرح ابجرح بالروح داويت

كلي اذنوب ادري ، او روحك ايمام

نزعت الماضي وابيض كلب طبيت

ومن نور البروحك شاهت العين

او كبل ما طوف بعيونك تحفيت

اعيشك لحظة لحظة او اشكي الفراك

انت وياي كلك وآنه سليّت

ريتك تبقى كتلك ، ريتك اوياي

او كلشي البيك اسمعه ايكول ياريت

كبلك ما عشت ، موعمر محسوب

خشبة كنطرة او للدوس ظليت

ــــــــــــــــــــــــــــــــــــــــــــــــــ ـــــــــ

تحيـــــــــــــــــــــاتي للجميـــــــــــــع

[/center]

» عـــــــــذاب الحب
» الحب المستحيل
» حينما نبحث عن الحب ؟؟
» اغنية محمد عبد الجبار انسى الحب